Saya bilang hal tersebut sebagai kesalahan karena penulisan dengan alasan sudah ada Buku Ende ataupun Bibel (Bahasa Batak) menjadi pedoman yang benar. Untuk apa Sumut ada Balai Bahasa? Mungkin untuk menyalurkan (anggaran pemerintah yang sudah ada).

Toho doi “Jolo dialap hata asa diseat raut”, Jala “Hata do Parsimboraan”, ima tutu.

Molo nirangrangan goar2 dohot hapeahan ni parjambaran ndang dibahen omputa sijolo-jolo tubu i so marlapatan, jala boasa marasing hapeahan ni jambar i diluat-luat adong do i ala martumbur do logika pemikiran ni bangson ta, didok roha mula-mula ni parjambaran i pe dos do ala ompunta do mambahen i najolo, boi do sungkunon nandigan do mulana adong parjambaran?, ise do mambahen i parjolo? laos sada habisuhon do i namarparhonhon hasangapon, hagabeon, tumandihon sumangat ni hita sama hita ditonga-tongan ta dohot diliat portibion.

NDANG ADONG HUBUNGAN NI NAGODANG SIBUK DIPARJAMBARAN NAJINALO, ALAI NAMARLAPATAN DO SUDE NAI DIBAHEN OMPUNTA SIJOLO-JOLO TUBU NANGPE HOLI-HOLI GUMODANGAN JAMBAR NIBA, JALA MOLO INGKON GIOT IBA JAGAL UNANG MA MANGHARAPHON JAMBAR, BA TINUHOR MA SIAN PAJAK AN.

Ihur-ihur (Ponghal = pandok na POKKAL)
Boasa huroha hapeahan ni ihur-ihur tu hasuhuton? falsafah na ala molo hundul jolma ihur ni jolma ido manea saluhut pamatang na, alai dang dohot ditea simanjojak ala padimposhon hahotan nahundul i do i asa hot, ndang apala ala ni nagodang sibuk disi umbahen i di hasuhuton, laos ido umbahen jambar pat manang tambirik hira soadong mambahen, alai nangpe songon i, adong do luat mambahen i jalan dipasahat ma i tu dongan sahuta, ima mulai sian engsel paling bawa sahat tu tambirik na himpal, ai didok nasida sipanungkoli do dongan sahuta tu hasuhuton, songon panungkol ni pat i tingki hundul jolma.

Osang
Disada luat tu Hula-hula do dilehon osang, dinaasing tu Boruna do dilehon osang, osang do ngingi partoru dohot dila, alai partoru pe i gabe ido manutu tu ngingi parginjang molo manghilhil sihilhilon hita, praktekkon jo lae, molo ngingi nadiginjang i so doi alai ngingi partoru do ro manduda tu ngingi parginjang, molo dila ima manjalo sipanganon nanaeng masuk tu pamangan jala laos pahusorhusorhon sipanganon i di simangkudap asa lamot bonduton, molo mandok hata pe hita godang do karejo ni dila, hira 2/3 suara ni hata sidohonon dikarejo i dila doi dung haruan suara sian aru-aru ni jolma, songon i muse dohot bibir partoru, bibir partoru do ro tu bibir parginjang molo manutup simangkudap manang mandok “BOASA” hita.
Alani boi dohonon di osang i do parkarejoan na borat, boha bahenon ta ma hula-hulan ta karejo borat, manang borun ta do, alai ndang namandok sala molo dilehon pe osang tu hula-hula na.
Suang songon ido diulaon ummuli do boru ro mandapothon hula-hulana, hurang do sumanna jumotjot hula-hula ro mandapothon boru na, asing ma jolo atik adong hal2 naso pola niantusan.
Dang apala binoto atik adong berbeda, disada luat molo manortor hula-hula dohot boru, dibahen hula-hula ma nadua telapak tangan na i tu simanjujung ni boru na songon na mamasu-masu, jala boru na i maniuk osang ni hula-hula na i, alai hira soadong do ra luat dia pei halak batak namambahen sebalikna, jala sai mangihuthon hula-hula do boru sian pudina, parhundulon pe dihambirang ni hula-hula do boru.

Namarngingi parsiamun
di osang pe adong ngingi, alai dang hea didok osang namarngingi, sai matua ulu parginjang do didok namarngingi, jala laos disido utokhutok manang pahahas pingkiran ni jolma, molo taida hira soadong do siallangon di namarngingi on, paling ma ra utokhutok dohot garapgarap ni pinggil dohot munsung na do, alai laos disido utohutok, pinggol, igung dohot pandai napinangan songi nang mata.
nga loja bah. ima jo ate Tulang.